由於今日係假期，所以訓到12:00先起床,超good

起床後準備裝身去阿樑band房學結他，可能我真係太"ME 麼"攪到2:00先出到門口，攪到要"飛的"去先o岩o岩好無遲到~

之後知道阿樑今日只要教完阿威後就可以"收工"，我突然好想成個小組一齊食餐飯，所以就打晒比佢地約食飯，好感謝主~佢地全部都出晒黎，真係突登約都無咁齊人呀~

我地之後去左大角咀果道食，我地叫左"豆豉鯪魚炒油麥菜"、"雞煲"、肥牛煲"、"炒聖子"、"蒸魚"、同最出名既"椒鹽瀨尿蝦"，6碟野都每人都係45蚊~好平ar~但其實最滿足既係見到佢地食得咁開心，再之後仲上返阿樑band房夾左陣野，好耐都無見嘉醒玩結他la~佢仲係好勁ar~

臨走時，嘉醒突然同我講多謝我比佢入lee個小組，其實我心真係好感動

多謝爸爸~比我有一個能懂得愛佢地既心，佢地每一個都係你比我既恩典，雖然好多時都幾激心,但當我諗到你點都唔放棄愛佢地時,我都唔放棄嫁!